Informe sobre a segunda reunión do período de consultas

Na segunda das reunións do período de consultas aberto pola dirección coa intención de inaplicar parte do convenio en vigor, a empresa non mostrou vontade críbel de modificar a súa plataforma inicial: a Proposta do 66 %. Tampouco pechou a porta aos despedimentos baseados na disposición adicional primeira do convenio que se discute na AGA.

Un economista de Accuracy expuxo o informe pagado pola empresa para xustificar a rebaixa de salarios da Proposta do 66 % e contestou ás preguntas dos asesores do comité con respostas vagas e incompletas.

Os asesores do Comité concluíron que o informe non é un estudo para analizar a viabilidade da compañía, senón que está escrito de forma exclusiva para xustificar unha medida xa tomada previamente.

Entre outros aspectos, os asesores do Comité Intercentros subliñaron que no 2012:

1) A cifra de negocios de La Voz de Galicia reduciuse un -6%.

2) Os soldos e salarios rebaixáronse a un ritmo catro veces superior (-14%).

3) O número medio de persoal baixou nun - 13,5%.

4) Pola contra, os soldos e salarios da alta dirección (unha soa persoa en La Voz de Galicia S.A.) só minguaron un 1%; mentres que as retribucións da alta dirección na sociedade dominante do grupo (Corporación Voz de Galicia) mesmo medraron un 11,8%. 

Por parte da empresa, asistiron a negociación Santiago Pérez, María Velázquez, Roberto Díz, o avogado Miguel Gudín (KPMG) e o asesor David Aliaga (Accuracy). Os dous profesionais externos contratados pola empresa abandoaron a reunión catro horas antes do remate.

Sabón a 15 de maio do 2013